У перыяд з 28 чэрвеня па 5 ліпеня 2024 года дырэктар інстытута Наталля Берчанка і загадчык аддзела Яна Муратава ў складзе групы кіраўнікоў і спецыялістаў з Беларусі прынялі ўдзел у Семінары па супрацоўніцтве рэгіянальнага развіцця для Беларусі, арганізаваным Міністэрствам камерцыі Кітайскай Народнай Рэспублікі. Семінар праходзіў у гарадах Шанхай і Ціндао

Прымальнай арганізацыяй выступіў Шанхайскі Азіяцка-Ціхаакіянскі цэнтр падрыхтоўкі кадраў у галіне рэгіянальнай эканомікі і інфарматызацыі.

У рамках семінара была прадстаўлена разгорнутая інфармацыя аб вопыце Кітая па планаванні і рэалізацыі рэформ адкрытасці і эканамічнага развіцця. Кітайскія эксперты асвятлілі ключавыя палажэнні стратэгій рэгіянальнага развіцця Кітая, іх мэты, вынікі рэалізацыі; тэндэнцыі і актуальныя праблемы рэгіянальнага эканамічнага развіцця Кітая; нацыянальны досвед планавання зон развіцця, стварэння кітайскіх прамысловых паркаў.

Асаблівая ўвага падчас семінара надавалася ключавым палажэнням канцэпцыі рэгіянальнай эканамічнай інтэграцыі Кітая, філасофіі і практыцы ініцыятывы "Адзін пояс, адзін шлях". У працэсе навучальных візітаў былі вывучаны арганізацыйныя формы іх развіцця, прадастаўлена магчымасць наведаць канкрэтныя аб'екты, якія выконваюць ролю інавацыйных і інтэграцыйных пляцовак: Шанхайскую інтэлектуальную навукова-тэхнічную кампанію Фуліе Лтд; Шанхайскую міжнародную кампанію па кіраванні імпартнымі таварамі; Кітайскую суднабудаўнічую прамысловую карпарацыю, уключаючы "разумны" порт; Шаньдунскую акцыянерную кампанію лічбавай крэатыўнасці; Міжнародны выставачны комплекс «Жамчужына ШАС».  Усе навіны