Падрыхтоўка да ацяпляльнага сезона ў Беларусі павінна завяршыцца да 30 верасня

 Савет Міністраў пастановай ад 4 чэрвеня 2019 года нумар 362 зацвердзіў комплекс мер па падрыхтоўцы народнай гаспадаркі да асенне-зімовага перыяду 2019/2020 года, паведамілі БЕЛТА ў прэс-службе ўрада.

Рэспубліканскім органам дзяржкіравання і іншым дзяржарганізацыям, падпарадкаваным ураду, аблвыканкамам і Мінскаму гарвыканкаму даручана да 15 чэрвеня распрацаваць і да 30 верасня рэалізаваць арганізацыйна-тэхнічныя мерапрыемствы, якія забяспечаюць устойлівае і надзейнае паліва- і энергазабеспячэнне спажыўцоў у асенне-зімовы перыяд 2019/2020 года.

Пастановай вызначаны заданні па замене і будаўніцтве цеплавых сетак, вызначаны аб'ёмы ствараемых да пачатку ацяпляльнага сезона запасаў топачнага мазуту, а таксама ствараемых на 1 кастрычніка 2019 года запасаў драўнянага паліва (сыравіны) для арганізацый ЖКГ.

Міністэрству энергетыкі даручана забяспечыць у падпарадкаваных арганізацыях да пачатку ацяпляльнага сезона гатоўнасць электрычных станцый, цепла- і электрагенерыруючых установак і абсталявання, газавых, цеплавых і электрычных сетак да работы ў перыяд максімальных нагрузак. Таксама з удзелам канцэрна "Белнафтахім", рэспубліканскіх органаў дзяржкіравання, аблвыканкамаў і Мінскага гарвыканкама неабходна распрацаваць да 1 верасня 2019 года варыянты палівазабеспячэння і рэжымаў энергазабеспячэння спажыўцоў у асенне-зімовы перыяд ва ўмовах магчымага зніжэння паставак энерганосьбітаў, а таксама ў выпадках узнікнення аварыйных сітуацый і рэзкага пахаладання.

Акрамя таго, Мінэнерга даручана па ўзгадненні з аблвыканкамамі і Мінскім гарвыканкамам да 1 верасня зацвердзіць графікі абмежавання і адключэння спажыўцоў электрычнай і цеплавой энергіі ад электрычных і цеплавых сетак пры ўзнікненні аварыйных сітуацый.

МНС трэба будзе правесці мерапрыемствы тэхнічнага (тэхналагічнага, праверачнага) характару па кацельнях, што забяспечваюць цеплавой энергіяй аб'екты жыллёвага фонду, а таксама аб'екты сацыяльнага і культурна-бытавога прызначэння. Таксама МНС сумесна з Мінэнерга будзе ажыццяўляць кантроль за рэалізацыяй мерапрыемстваў па аснашчэнні арганізацый аўтаномнымі крыніцамі электрычнай энергіі.

Мінэнерга неабходна правесці да пачатку ацяпляльнага сезона абследаванні электра- і (або) цеплаўстановак, цеплакрыніц і спажыўцоў цеплавой энергіі на прадмет іх гатоўнасці да работы ў асенне-зімовы перыяд, у тым ліку маючых электрапрыёмнікі першай катэгорыі надзейнасці электразабеспячэння.

Рэспубліканскім органам дзяржкіравання сумесна з аблвыканкамамі і Мінскім гарвыканкамам неабходна завяршыць да 20 верасня падрыхтоўчыя работы да асенне-зімовага перыяду і забяспечыць афармленне да 30 верасня актаў праверкі гатоўнасці і пашпартоў гатоўнасці да работы ў асенне-зімовы перыяд спажыўцоў цеплавой энергіі і цеплакрыніц, а таксама арганізацый, транспартуючых цеплавую энергію.

Аблвыканкамам і Мінскаму гарвыканкаму даручана забяспечыць своечасовае фінансаванне мерапрыемстваў па падрыхтоўцы аб'ектаў жыллёва-камунальнай гаспадаркі, сацыяльнага і культурна-бытавога прызначэння да ацяпляльнага сезона ў межах сродкаў, прадугледжаных на гэтыя мэты.

"Белнафтахіму" да асенне-зімовага перыяду трэба арганізаваць вытворчасць і стварэнне неабходных запасаў зімовага дызельнага паліва, пастаўку яго спажыўцам і на АЗС для забеспячэння работы транспартнага комплексу.

Міністэрству эканомікі даручана абагульніць інфармацыю і 10 верасня ўнесці ў Савет Міністраў неабходныя матэрыялы аб гатоўнасці рэспублікі да работы ў ацяпляльны сезон. Усе навіны