Дырэктар Навукова-даследчага эканамічнага інстытута Міністэрства эканомікі Рэспублікі Беларусь Наталля Берчанка і загадчыца аддзела кароткатэрміновага планавання і макраэканамічнага прагназавання Ірына Целеш прынялі ўдзел у Міжнароднай навукова-практычнай канферэнцыі "Саюзная дзяржава ва ўмовах шматпалярнага свету"
Мэтай канферэнцыі, арганізаванай Парламенцкім Сходам Саюза Беларусі і Расіі, з'яўлялася выпрацоўка навукова абгрунтаваных прапаноў па нарматыўна-прававым рэгуляванні ўзаемадзеяння Беларусі і Расіі ў новых геапалітычных умовах.
Праграма ўключала пленарныя пасяджэнні і работу трох секцый па наступных тэмах: "Саюзная дзяржава ў міжнароднай архітэктуры бяспекі", "Развіццё эканомікі Саюзнай дзяржавы ва ўмовах санкцый", "Садружнасць жаночых грамадскіх арганізацый праз агульнасць духоўных каштоўнасцей Беларусі і Расіі".
У мерапрыемстве прынялі ўдзел намеснік старшыні Парламенцкага Сходу, першы віцэ-спікер Дзярждумы Іван Мельнікаў, дзяржсакратар Саюзнай дзяржавы Дзмітрый Мезенцаў, дэпутаты Парламенцкага Сходу, сенатары і дэпутаты палат парламентаў Беларусі і Расіі, прадстаўнікі міністэрстваў і ведамстваў дзвюх краін, навуковых устаноў, выкладчыкі вышэйшых і кіраўнікі СМІ.
Намеснік Дзяржсакратара Саюзнай дзяржавы Аляксей Кубрын на пленарным пасяджэнні падкрэсліў, што Саюзная дзяржава мае такі інструментарый, якога няма ні ў аднаго іншага аб'яднання ў свеце:
- Настолькі шчыльна і выразна мы ўзаемадзейнічаем у галіне высокіх тэхналогій, у прамысловасці. Мы вельмі далёка рушылі наперад і ў развіцці грамадзянскай супольнасці: у нас роўныя правы ў найшырэйшым спектры ўзаемадзеяння для ўсіх грамадзян Расіі і Беларусі. Фармуецца таксама адзіная навукова-тэхналагічная прастора.
Галоўны вучоны сакратар Нацыянальнай акадэміі навук Беларусі Васіль Гурскі ў сваім выступленні акцэнтаваў увагу на тым, што цяпер Саюзная дзяржава ад падтрымкі асобных галін перайшла да развіцця перадавых тэхналогій: «Калі на пачатковым этапе саюзнага будаўніцтва сумесныя праграмы ў большасці сваёй былі арыентаваны на падтрыманне асобных. прадпрыемстваў, галін і навуковых калектываў, на аднаўленне вытворчасці значных відаў прадукцыі, то цяпер асноўны акцэнт робіцца на стварэнні і развіцці перадавых напрамкаў навукі, тэхнікі і тэхналогій».
Паводле яго слоў, на базе шматгадовага вопыту сумеснай работы і з улікам зацверджаных Беларуссю і Расіяй прыярытэтных напрамкаў навуковых даследаванняў і навукова-тэхналагічнай дзейнасці сфарміраваліся шэсць асноўных прыярытэтаў супрацоўніцтва: касмічныя даследаванні і інфармацыйна-касмічныя тэхналогіі; стварэнне высокапрадукцыйных сістэм і тэхналогій апрацоўкі інфармацыі; лазерна-аптычныя тэхналогіі, нанаматэрыялы і нанатэхналогіі, генная інжынерыя і біятэхналогіі, аграпрамысловыя тэхналогіі і вытворчасці.
Дырэктар НДЭІ Мінэканомікі Наталля Берчанка ў ходзе работы секцыі "Развіццё эканомікі Саюзнай дзяржавы ва ўмовах санкцый" прадставіла даклад "Праблемы распрацоўкі прагнозу сацыяльна-эканамічнага развіцця Саюзнай дзяржавы".
- Пытанні, якія ставяцца зараз, уяўляюцца вельмі важнымі для таго, каб усе нашы задумкі аб інтэграцыі перайшлі ў практычную плоскасць. У студзені гэтага года адбылося паседжанне Вышэйшай дзяржрады Саюзнай дзяржавы. Было прынята рашэнне аб тым, што мы павінны падысці адзіным метадычным забеспячэннем да ацэнкі інтэграцыйных эфектаў ад рэалізацыі саюзных праграм і ў цэлым ад узаемадзеяння на полі саюзнай дзяржавы, - адзначыла спікер. - Акрамя таго, было прынята рашэнне аб распрацоўцы штогадовых прагнозаў Саюзнай дзяржавы. Праца ў гэтым напрамку ідзе актыўна. Непасрэдна над пытаннямі інтэграцыйных эфектаў, метадычнага забеспячэння гэтага працэсу працуюць Навукова-даследчы эканамічны інстытут Міністэрства эканомікі Рэспублікі Беларусь і Усерасійская акадэмія знешняга гандлю Міністэрства эканамічнага развіцця Расійскай Федэрацыі. Цяпер стаіць задача ацаніць, якія эфекты атрымаюць і атрымалі ў выніку рэалізацыі Саюзных праграм абодва бакі. Гэта вельмі разнастайныя праекты і мерапрыемствы, і вельмі важная навукова-даследчая задача - выбудаваць адзіны метадычны падыход. Для апрабацыі абрана 11 мерапрыемстваў з 9 праграм. Прагноз як прылада неабходна вывесці на зусім іншы ўзровень. Цяпер мы працуем над тым, як ацэньваць макраэканамічныя эфекты, але насамрэч работа дасць магчымасць ацэньваць не толькі іх, але і выбудоўваць стратэгію інвестыцыйнага развіцця, экспартную палітыку, кадравае забеспячэнне.
У цэнтры ўвагі экспертаў секцыйнага пасяджэння "Развіццё эканомікі Саюзнай дзяржавы ва ўмовах санкцый" знаходзіліся пытанні інтэграцыйных працэсаў, імпартазамяшчэння, знешняга гандлю, тэхналагічнага ўкладу, турыстычнага патэнцыялу абедзвюх краін, лічбавых тэхналогій у аграпрамысловым комплексе і інш. Прадметныя ініцыятывы, якія прагучалі на эканамічнай сесіі, будуць улічаны пры фарміраванні саюзнага бюджэту на фінансаванне праграм у сферы эканомікі, прамысловасці і гандлю.
На думку ўдзельнікаў канферэнцыі, менавіта моцная эканоміка сёння - фундамент паспяховага развіцця дзяржаў. Рэдактар часопіса «Нацыянальная абарона», расейскі журналіст і вайсковы эксперт Ігар Каратчанка даў высокую ацэнку дзейнасці беларускай амбасады ў Маскве: «У гэтым плане хачу падтрымаць высокую ацэнку дзейнасці амбасады Беларусі ў Расіі і асабіста амбасадара, якія проста фундаментальна прасунулі міжрэгіянальнае і міждзяржаўнае эканамічнае супрацоўніцтва. Гэта вельмі важная, знакавая праца».
На заключным пленарным пасяджэнні саветнік-пасланнік пасольства Беларусі ў Расіі, дэпутат Палаты прадстаўнікоў восьмага склікання Аляксандр Шпакоўскі канстатаваў: «Саюзная дзяржава - гэта паспяховы, эфектыўны, глыбока прапрацаваны інтэграцыйны фармат на постсавецкай прасторы. Менавіта таму Саюзная дзяржава знаходзіцца ў фокусе ўвагі нашых цывілізацыйных канкурэнтаў. Ёсць, што зусім відавочна, пэўныя пагрозы беларуска-расійскай інтэграцыі. Гэтыя пагрозы рэальныя, не трэба іх недаацэньваць. Палітыка нашых апанентаў, скажам так, па фрагментаваным постсавецкай прасторы працягваецца, гэта значыць такое ўкараненне ў традыцыйную сферу ўплыву Расіі і правакаванне канфліктаў. У тым ліку прамым сьледзтвам такой палітыкі зьяўляецца ўкраінскі канфлікт. На гэтым фоне Саюзная дзяржава - гэта донар рэгіянальнай стабільнасці і прыклад таго, што, аб'ядноўваючы намаганні, уступаючы ў саюзныя адносіны з Расіяй, можна развівацца паспяхова». Усе навіны