Другі дзень працы штогадовай міжнароднай навуковай канферэнцыі "Праблемы прагназавання і дзяржаўнага рэгулявання сацыяльна-эканамічнага развіцця".
Дыскусіі, распачатыя падчас круглых сталоў у першы дзень
канферэнцыі, былі працягнуты ў другі дзень у рамках секцый. 21 кастрычніка
пытанні сацыяльна-эканамічнага развіцця абмяркоўваліся на 6 секцыях:
"Структурная і макраэканамічная палітыка, павышэнне эфектыўнасці знешнеэканамічных адносін";
"Развіццё чалавечага патэнцыялу і эфектыўнасць яго выкарыстання";
"Павышэнне канкурэнтаздольнасці рэальнага сектара эканомікі";
"Інавацыйна-інвестыцыйнае развіццё эканомікі";
"Стратэгіі і механізмы рэгіянальнага развіцця";
"Матэматычнае мадэляванне эканамічных працэсаў і інфармацыйныя тэхналогіі".
Сярод узнятых пытанняў найбольш актыўны водгук ва ўдзельнікаў выклікалі даклады, якія датычыліся:
- вопыту Рэспублікі Карэя адносна знешнеэканамічнага супрацоўніцтва;
- курсавой валютнай палітыкі ва ўмовах санкцыйнага ціску;
- развіцця аховы здароўя ва ўмовах сучасных дэмаграфічных выклікаў;
- працэсаў старэння насельніцтва;
- развіцця зялёнай эканомікі і альтэрнатыўнай энергетыкі;
- праблем развіцця метадалогіі навукі;
- даступнасці інвестыцыйных рэсурсаў і пытанняў інфармаванасці інвестараў;
- канцэпцыі дзяржаўнай палітыкі рэгіянальнага развіцця;
- вымярэння здольнасці тэрыторый супрацьстаяць шокам і выклікам;
- шматкраінавага статыстычнага аналізу.
На канферэнцыі былі прэзентаваны апублікаваныя ў 2022 годзе манаграфіі ўдзельнікаў.
Па выніках работы XXIII Міжнароднай навуковай-канферэнцыі "Праблемы прагназавання і дзяржаўнага рэгулявання сацыяльна эканамічнага развіцця" будуць распрацаваны рэкамендацыі. Прапановы ў праект рэкамендацый прымаюцца да 31 кастрычніка 2022 года на электронны адрас niei-tezisi@niei.by
Выдадзеныя матэрыялы канферэнцыі будуць размешчаны на сайце інстытута http://niei.by/ru/mezhdunarod-nauchnykh-konferentcii-ru
Дзякуем усім удзельнікам канферэнцыі за цікавае і плённае
супрацоўніцтва!
Будзем рады бачыць вас у наступным годзе!
Усе навіны