24-27 лютага 2020 г. прадстаўнік інстытута прыняў удзел у канферэнцыі «Еўразійскі эканамічны саюз - геапалітыка і эканамічныя аспекты» (Казахстан)

24-27 лютага 2020 года ў г. Нур-Султан і г. Алматы адбылася серыя сустрэч, на якіх абмяркоўваліся розныя аспекты функцыянавання Еўразійскага эканамічнага саюза і сяброўства асобных дзяржаў у ім.

У працы канферэнцыі прынялі ўдзел прадстаўнікі навуковых устаноў, органаў дзяржаўнага кіравання, грамадскіх арганізацый, бізнесу з дзяржаў-членаў ЕАЭС, Германіі, ЗША і іншых краін.

Арганізатар канферэнцыі - прадстаўніцтва Фонду ім. Конрада Адэнаўэра ў Казахстане.

З боку НДЭІ ў якасці спікера выступіў начальнік галоўнага аналітычнага цэнтра Міхаіл Тамковіч, які прадставіў у сваіх дакладах ацэнку эканамічнага ўздзеяння ЕАЭС на Рэспубліку Беларусь, а таксама ахарактарызаваў сусветныя эканамічныя тэндэнцыі, якія аказваюць уплыў на дзяржавы-члены Саюза.