13 мая 2023 года супрацоўнікі навукова-даследчага эканамічнага інстытута Міністэрства эканомікі Рэспублікі Беларусь прынялі актыўны ўдзел у акцыі "Ганаруся роднымі", арганізаванай адміністрацыяй Першамайскага раёна сталіцы

Агульнарэспубліканская эстафета, прымеркаваная да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь, праходзіла на плошчы каля Нацыянальнай бібліятэкі пад гукі аркестра з разваротам Дзяржаўнага сцяга Рэспублікі Беларусь.

Кожнаму чалавеку добра вядомыя сімвалы дзяржавы, якія адлюстроўваюць гістарычныя, духоўныя і маральныя рысы нацыі, асаблівасці культуры і светапогляду беларускага народа. Гэта гісторыя і будучыня беларускай дзяржавы, увасабленне ідэі нацыянальнага адзінства, важнейшыя атрыбуты суверэнітэту і незалежнасці Айчыны. Аб'ядноўваючыся пад дзяржаўнымі сімваламі, мы абараняем суверэннае права сваёй краіны развівацца ў рэчышчы нацыянальных інтарэсаў.