Супрацоўнікі Навукова-даследчага эканамічнага інстытута Міністэрства эканомікі Рэспублікі Беларусь прынялі ўдзел у нарадзе, якая праходзіла на базе ААТ «Туршоўка» (Крупскі раён, аг. Ухвала)

Сумеснае мерапрыемства прадстаўнікоў Міністэрства энергетыкі Рэспублікі Беларусь, ДВА "Белпалівагаз" і НДЭІ Міністэрства эканомікі Рэспублікі Беларусь аб магчымасцях рэалізацыі інвестыцыйных праектаў, накіраваных на паглыбленую перапрацоўку мясцовых відаў сыравіны (торфу) з прымяненнем новых тэхналогій.

Навуковы супрацоўнік Цэнтра інвестыцыйнай і інавацыйнай палітыкі Аляксандр Курцэвіч агучыў інвестыцыйныя ідэі і прапановы Інстытута па паглыбленай перапрацоўцы торфу з мэтай выпуску прадукцыі з высокай дабаўленай вартасцю. Удзельнікі нарады былі таксама азнаёмленыя з напрамкамі і перспектывамі развіцця галіны, у прыватнасці комплекснай перапрацоўкі торфу ў Рэспубліцы Беларусь, з улікам сучасных ідэй і магчымасцяў.

Асобна падчас сустрэчы Аляксандра Курцэвіча з намеснікам старшыні Крупскага райвыканкама Юліяй Камаровай абмяркоўваліся пытанні падаўжэння ланцужкоў стварэння дабаўленай вартасці на тэрыторыі раёна. У сувязі з гэтым былі прадстаўлены прапановы НДЭІ па глыбокай перапрацоўцы льняной сыравіны, а таксама вытворчасці дадатковай і новай прадукцыі з лёну.

Па выніках сустрэчы дасягнута дамоўленасць аб працягу супрацоўніцтва Крупскага райвыканкама з навукова-даследчага эканамічнага інстытута Міністэрства эканомікі Рэспублікі Беларусь.