19 красавіка 2023 г. супрацоўнікі навукова-даследчага эканамічнага інстытута Міністэрства эканомікі Рэспублікі Беларусь наведалі вядучае прадпрыемства нафтаперапрацоўчай галіны краіны завод "Палімір «ААТ»Нафтан"

З мэтай прапрацоўкі праектаў па стварэнні новых запатрабаваных відаў прадукцыі для прамысловасці Рэспублікі Беларусь, рабочая група ў складзе дырэктара Інстытута Наталлі Берчанкі, супрацоўнікаў аддзела эканомікі прамысловага комплексу, сектара нафтаперапрацоўкі і нафтахіміі, а таксама прадстаўнікоў Галоўнага ўпраўлення эканомікі прамысловасці Міністэрства эканомікі Рэспублікі Беларусь наведала Завод «Палімір» ААТ «Нафтан» у г.Наваполацку. Сустрэча адбылася ў рамках дзейнасці міжведамаснай рабочай групы па разглядзе пытанняў арганізацыі новых вытворчасцяў у хімічнай прамысловасці Рэспублікі.

У ходзе рабочай сустрэчы з кіраўнікамі і спецыялістамі завода «Палімір» ААТ «Нафтан» бакі прадставілі сваё бачанне мэтазгоднасці рэалізацыі інвестыцыйнага праекта будаўніцтва на прадпрыемстве новай этылен-прапіленавай устаноўкі, наступнай арганізацыі вытворчасцяў палімераў.

Прадстаўнікі прадпрыемства выказалі сваё меркаванне аб неабходнасці абнаўлення існуючай вытворчасці поліэтыленаў, падкрэслілі сваё імкненне пашыраць асартымент выпускаемай прадукцыі за кошт асваення новых відаў палімераў – такіх як АБС-пластыкі і полікарбанат.

Адным з вынікаў сустрэчы стала фармуляванне абгрунтаванай і ўзгодненай пазіцыі супрацоўнікаў завода «Палімір» ААТ «Нафтан», спецыялістаў НДЭІ і Міністэрства эканомікі па абмяркоўваемых пытаннях.