19-20 кастрычніка 2023 года адбудзецца ХXIV Міжнародная навуковая канферэнцыя "Праблемы прагназавання і дзяржаўнага рэгулявання сацыяльна-эканамічнага развіцця"
Айчынныя і замежныя вучоныя-эканамісты, кіраўнікі органаў дзяржаўнага кіравання, эксперты-практыкі і прадстаўнікі дзелавых колаў вызначаць прыярытэты і механізмы дзяржаўнага рэгулявання ўстойлівага развіцця ў новай геапалітычнай і геаэканамічнай рэальнасці.
У першы дзень канферэнцыі, 19 кастрычніка, у рамках пленарнай сесіі "Устойлівае развіццё Рэспублікі Беларусь у новай рэальнасці: ключавыя выклікі і прыярытэты" запланавана правядзенне серыі панэльных дыскусій:
"Нацыянальная мадэль эканомікі Беларусі ва ўмовах сучасных глабальных выклікаў";
"Рэгіянальная эканамічная інтэграцыя як вектар доўгатэрміновага развіцця";
"Прамысловая палітыка Беларусі: тэхналагічны суверэнітэт, магчымасці росту".
У другі дзень канферэнцыі, 20 кастрычніка, удзельнікі канферэнцыі на пляцоўцы НДЭІ Міністэрства эканомікі Рэспублікі Беларусь прымуць удзел у секцыйных пасяджэннях:
"Макраэканамічная і структурная палітыка, павышэнне эфектыўнасці знешнеэканамічных адносін";
"Развіццё сацыяльнай падсістэмы нацыянальнай эканомікі";
"Ключавыя драйверы развіцця рэальнага сектара эканомікі";
"Інвестыцыі і інавацыі як імператыў эканамічнага развіцця";
"Стратэгіі і механізмы рэгіянальнага развіцця",
«Матэматычнае мадэляванне эканамічных працэсаў і інфармацыйныя тэхналогіі.
З мэтай абмеркавання актуальных пытанняў таксама адбудзецца круглы стол на тэму "Бягучыя тэндэнцыі ў прадастаўленні міжнароднай дапамогі ў мэтах развіцця Рэспублікі Беларусь".
Усе навіны